‘यसपालीको दसैं तिहार चितवनमा’, दशैँ र तिहारका लागि विशेष प्याकेजको योजना

[[IMG_ALT]]

www.bsgnews.com | Entertainment | Ashwin 17

चितवनको सौराहास्थित जंगल सफारी लजले आन्तरिक पर्यटकलाई लक्षित गरी ‘यसपालीको दसैं तिहार चितवनमा’ योजना ल्याएको छ। असोज १५ देखि कात्तिक मसान्तसम्म लागू हुने योजनामा पर्यटकले दुई रात तीन दिनको प्याकेज मात्र ६ हजार ९ सय ९९ रुपैयाँमा सौराहा घुम्न पाउनेछन्। यस प्याकेजमा सहभागी हुनेले लन्च, डीनर र ब्रेकफास्टसहित सम्पूर्ण सफारी गर्न पाउने जङगल सफारी लजका कार्यकारी निर्देशक सुमन घिमिरेले जानकारी दिए। घिमिरेका अनुसार पर्यटकले प्याकेजमा खानाबाहेक जीप सफारी, डुङ्गा सयर, हात्ती प्रजनन केन्द्र भ्रमण, थारू नाच, सूर्यास्त र थारू गाउँ अवलोकन गर्न पाउनेछन्।

‘हामीले यस पटक जीप सफारीलाई प्राथमिकता दिएका छौं, तर अतिरिक्त शुल्क तिरेर हात्ती सफारी पनि गर्न सकिने छ,’ घिमिरेले भने, ‘हामीले विदाको समयमा आन्तरिक पर्यटकलाई लक्षित गरी यो योजना ल्याएका हौ।’ सहुलियत मुल्यमा पूर्ण वातारणअनुकुलित कोठा, रेष्टुरेण्ट र वाइफाई सुविधा हुनुका साथै पर्यटकले सौराहाको अन्य गतिविधिमा सहभागी हुनसक्ने पनि उनको भनाई छ।

सौराहालाई लोकप्रिय पर्यटकीय गन्तव्यको रुपमा विकास गर्नको लागि पनि विभिन्न प्याकेज योजना ल्याएको उनले जानकारी दिए। ‘हामीले विगत एक दशकदेखि दसैं तिहारको समयमा यस्तै योजना ल्याएका थियौं, सफल भयौं त्यसैले यो वर्ष पनि निरन्तरता दिँदै छौं,’ घिमिरेले भने, ‘अतिरिक्त शुल्क लिएर पर्यटकको रुची भए, भर्खर सुरू भएको चितवन सेभेन प्वाईन्ट टुरमा पनि पर्यटकहरु जान सक्नुहुनेछ।’ जंगल सफारी लजले विभिन्न सभा गोष्ठीको लागि सेमिनार हलमा समेत यो अवधि भर छुट दिने भएको छ।
(सेतोपाटी)