दोहोरो नागरिकता लिएको अभियोगमा  कान्तिपुर मिडिया ग्रुपका अध्यक्ष कैलाश सिरोहिया प्रकाउ पर्नु भएको छ ।

यसअघि आजै विहान मात्र धनुषा जिल्ला अदालतले  दोहोरो नागरिकतासम्बन्धी कसुरमा सिरोहियालाई पक्राउ गर्न पक्राउ पुर्जी जारी गरेको थियो ।

थापाथलीस्थित कान्तिपुर पब्लिकेसन्स्‌को केन्द्रीय कार्यालय बाटै अध्यक्ष सिरोहिया पक्राउ पर्नु भएको हो  । सिरोहियालाई पक्राउ गर्दा कार्यलय परिसरमा कर्मचारीहरुले नारावाजी गरेका थिए ।

पक्राउपछि सिरोहियाले आफूले अनुसन्धानलाई सघाउँछु भन्दाभन्दै सरकारले अधिनायकवादी चरित्र देखाएको प्रतिक्रिया दिनु भयो ।  उहाँले आफ्नो गिरफ्तारीलाई प्रेस स्वतन्त्रतामाथिको कुठाराघात भएको बताउनु भयो ।

‘यो प्रेस स्वतन्त्रतामाथिको कुठाराघात हो, म अन्तिमसम्म लड्छु’,  मलाइ गिरफ्तार गरिएको नागरिकताको कारणले होइन सहकारी मुद्दाको विषयमा हो। यो देशमा कानुन छ भने गृहमन्त्रीज्यू सँग २ वटा पासपोर्टको बोकेको मुद्दा छ । यसैलाई मेरो उजुरी मानेन उहाँ माथि पनि वरेन्ट जारी हुने छ । मलाइ विश्वास छ”  सिरोहियाले भन्नुभयो ।