नेपालको लागी शिक्षा र अनुसन्धान केन्द्र (CERIN) को अन्तर विद्यालय फुटसल प्रतियोगिता तेस्रो संस्करण आयोजना हुने भएको छ।
नेपालको विभिन्न क्षेत्रहरुमा विविध शैक्षिक योगदान पुर्याउदै आइरहेको यस संस्थाद्वारा यहि मिति २०८१ श्रावण २७ गतेदेखी २९ गतेसम्म बुढानीलकण्ठ नगरपालिका वडा नं १३ गाम्चामा रहेको भद्रकाली फुटसल सेन्टरमा खुल्ला अन्तर विद्यालय फुटसल प्रतियोगिता आयोजना गर्ने भएको हो।
यस संस्थाले विगतका वर्षहरुमा पनि यस प्रतियोगिता संचालन गर्दै आएको छ ।
पछिल्लो वर्ष मात्रै यस प्रतियोगितामा ५२ वटा विद्यालयको उत्साहजनक उपस्थितिले यस प्रतियोगिता अत्यन्तै सभ्य र भव्यताका साथ सम्पन्न भएको थियो।
यस पटकको खुल्ला अन्तर विद्यालय फुटसल प्रतियोगितामा करिब ८०-९० विद्यालयलाई सहभागी गराउने उद्देश्य रहेको आयोजकले जनाएको छ।
यस कार्यक्रममा विजेतालाई निम्न पुरस्कारहरुद्वारा पुरस्कृत गरिनेछ।
१. विजेताः रु.१५,०००/- नगद तथा प्रमाणपत्र, ट्रफी र मेडल
२. दोस्रोः रु.१०,०००/- नगद तथा प्रमाणपत्र, ट्रफी र मेडल
३. तेस्रोः रु.५०००/- नगद तथा प्रमाणपत्र, ट्रफी र मेडल
प्रतिकृयाहरु