सुनसरीको वराहक्षेत्र ३ नडाहबाट जुवा खेलिरहेका १५ जना जुवाडेहरुलाई प्रहरीले पक्राउ गरेको छ । प्रहरीले गोप्य सूचनाका आधारमा आइतबार  बिहान जुवाडेहरुलाई पक्राउ गरेको जिल्ला प्रहरी कार्यलय सुनसरीले जनाएको छ । 

प्रहरीले जुवाडेहरुको साथबाट नौ लाख ६८ हजार नगद समेत बरामद गरेको छ ।  गोप्य सूचनाको आधारमा जिल्ला प्रहरी कार्यालय सुनसरी र इलाका प्रहरी कार्यलय पकलीबाट खटिएको प्रहरी अधिकृतको टोलीले  जुवाडेहरुलाई पक्राउ गरेको जिल्ला प्रहरी कार्यलय सुनसरीले जनाएको छ ।  पाक्रउ परेकालाई  इलाका प्रहरी कार्यलय महेन्द्रनगरमा राखी  थप  अनुसन्धान भइरहेको प्रहरीले जनाएको छ ।