जिल्ला अदालत पश्चिम नवलपरासीमा कार्यरत एक कर्मचारी घुस रकमसहित पक्राउ परेका छन् । कम्प्युटर अपरेटर राम लखन बनियालाई दुई लाख रुपैयाँ घुस रकमसहित अख्तियारको टोलीले नियन्त्रणमा लिएको हो ।

घुस माग गरेको सूचनाको आधारमा अख्तियार दुरुपयोग अनुसन्धान आयोगको कार्यालय बुटवलबाट खटिएको टोलीले जिल्लाको पाल्हीनन्दन गाउँपालिका वडा नम्बर ३ बेलासपुर चोकबाट बनियालाई नियन्त्रणमा लिइएको अख्तियार कार्यालयका प्रवक्ता राजेन्द्र कुमार पौडेलले जानकारी दिनुभयो ।

लागू औषध मुद्दामा पुर्पक्षका लागी कारागार चलान भएका एक व्यक्तिलाई छुटाउन सहजिकरण गर्ने भन्दै बनियाले घुस रकम माग गरेको अख्तियार बुटवल कार्यालयले जनाएको छ ।